9. mars 2012
15 mió. játtaðar til Klaksvíkar sjúkrahús
Fyrrapartin hevur Løgtingið við triðju viðgerð játtað 15 mió. kr til umvæling og umbygging av Klaksvíkar sjúkrahúsi. Tað vóru 29 løgtingsfólk sum atkvøddu fyri. Karsten Hansen, landsstýrismaður í heilsumálum, fegnast um, at peningur er settur av til Klaksvíkar Sjúkrahús.

-Á Klaksvíkar sjúkrahúsi eru umstøðurnar á nógvum økjum so vánaligar, at okkurt má gerast beinanvegin. Tað mesta av virkseminum á sjúkrahúsinum fer fram í hølum, sum eru frá 1928 og 1959- 60. Hølisumstøðurnar eru vánaligar, trongar og sera ótíðarhóskandi. Tí er tað í tøkum tíma, at peningur verður settur av til at fáa hølisviðurskiftini á Klaksvíkar sjúkrahúsi nútímansgjørd, sigur Karsten Hansen, landsstýrismaður í heilsumálum.

Játtanin til Klaksvíkar sjúkrahús er býtt yvir trý fíggjarár.







Børn hava frískari tenn26. september 20012
Sjúkrahús Føroya1. september 2011
Kom og rørið okkum! 31.september 2011
Móttøkufólk13. desember 2010
55 prosent svarað22. juni 2010