Heilsutrygd

Uppgávan hjá Heilsutrygd er at umsita skipanina við heilsutrygdarveitingum og heilsukanningarskipanina (profylaksir) umframt Kommunulæknaskipanina, Økisheilsuskipanina og Gigni - heilsufrøði fyri børn & ung.

Heilsutrygd umsitur og avroknar stuðul til meginpartin av primeru heilsutænastunum í Føroyum, herundir kommunulæknaviðtalur, læknahjálp til serlækna, stuðul til hjálparráð, ískoyti til viðgerð hjá tannlækna, fysioterapeuti, ergoterapi, sálarfrøðingi, kiropraktor o.a.

Í samstarvi við Apoteksverkið umsitur Heilsutrygd eisini skipanina við heilivágstilskoti.

Harumframt umsitur Heilsutrygd royndarskipan við ókeypis sálarfrøðiligari hjálp.

Heilsutrygd hevur eisini eftirlit við stovnum, ið veita rúsviðgerð.

Endamálið við Heilsutrygd er at hava eina samhaldsfasta almenna heilsutrygd, ið tryggjar, at allir borgarar verða javnsettir viðvíkjandi inngjaldi og tænastum.

Heilsutrygd síðan 2010

Heilsutrygd varð skipað tann 1. januar 2010. Heilsutrygd avloysti gomlu sjúkrakassaskipanina, sum varð skipað við 11 sjúkrakassum kring landið. Heilsutrygdarskipanin byggir víðari á sjúkrakassaskipanina, og eitt aðalmál hevur verið, at í minsta lagi at varðveita sama veitingar- og ískoytisstøðið, sum í gomlu skipanini.

HEILSUTRYGD

Postsmoga 52
Klaksvíksvegur 7
710 Klaksvík

heilsutrygd@heilsutrygd.fo
Tlf: 614000

www.heilsutrygd.fo