Koppseting

Persónar við føstum bústaði í Føroyum kunnu fáa tilboð um ókeypis koppseting fyri ávísum sjúkum. Talan er fyrst og fremst um børn og ung undir 18 ár.

Vanligar koppsetingar
Tær sjúkur, ið koppsett verður fyri, er kikhosti, difteri, stívkrampi, polio, meslingar, reydlingar, fárasjúka og pneumokokkar. Børn undir 6 ár kunnu haraftrat verða koppsett fyri Hæmophilus influensu, typu B.

Ein skipan við ókeypis koppseting fyri influensa til fólk eldri enn 66 ár var sett í verk í 2008.

Koppseting fyri lívmóðurhálskrabba
Gentur, sum eru føddar 1. januar 1995 ella seinni, tá tær hava fylt 13 ár, verða koppsettar ímóti lívmóðurhálskrabbameini. Koppsetingarnar skulu verða framdar, innan gentan fyllir 15 ár. Sí eisini faldara í høgra bredda.

Koppsetingar fara fram hjá egnum kommunulækna.