Kommunulæknar
Heilsutænasturnar í nærumhvørvinum hava ein týdningarmiklan leiklut bæði í sambandi við sjúklingaviðgerð og sum partur av heilsuverkinum. Í Føroyum eru 36 kommunulæknastørv. Øll, sum búgva í Føroyum, skulu hava ein kommunulækna.
Borgarar skulu velja lækna í heilsuøkinum, teir búgva í. Allir borgarar kunna velja millum fleiri kommunulæknar.
Yvirlitið niðanfyri lýsir hvussu kommunurnar í landinum eru býttar í heilsuøkir.
Yvirlit yvir heilsuøkini
| Heilsuøki | Kommunur |
| Heilsuøki 1 | Fugloyar kommuna, Viðareiðis kommuna, Kunoyar kommuna, Hvannasunds kommuna, Klaksvíkar kommuna, Eysturkommuna og Fuglafjarðar kommuna. |
| Heilsuøki 2 | Runavíkar kommuna, Nes kommuna og Sjóvar kommuna. |
| Heilsuøki 3 | Sørvágs kommuna, Vága kommuna, Vestmanna kommuna, Kvívíkar kommuna, Sunda kommuna, Eiðis kommuna og Tórshavnar kommuna (bert Kollafjørður, Signabøur og Oyrareingir). |
| Heilsuøki 4 | Tórshavnar kommuna (undantikið Kollafjørður, Signabøur og Oyrareingir), Skopunar kommuna, Sands kommuna, Skálavíkar kommuna, Húsavíkar kommuna og Skúvoyar kommuna. |
| Heilsuøki 5 | Hvalbiar kommuna, Tvøroyrar kommuna, Fámjins kommuna, Hovs kommuna, Porkeris kommuna, Vágs kommuna og Sumbiar kommuna. |
Á heimasíðuni hjá Heilsutrygd www.heilsutrygd.fo er nærri kunning um heilsutænasturnar í nærumhvørvinum herundir m.a. yvirlit yvir kommunulæknar, heilsuøkir, veitingar frá Heilsutrygd og kunning um Læknavaktina.