Koppsetingarbólkurin
Á heysti 2020 setti landsstýrismaðurin í heilsumálum, Kaj Leo Holm Johannesen, koppsetingarbólkin at orða eina COVID-19 koppsetingarætlan fyri Føroyar, og koma við tilmælum til politiska myndugleikan um, hvussu tilboðið um COVID-19 koppingarevni verður veitt á skilabesta hátt.
Koppsetingarbólkurin er mannaður við viðkomandi fakfólkum og myndugleikapersónum.
Hesi manna koppsetingarbólkin:
- Lars Fodgaard Møller, landslækni, formaður
- Hjalti Gunnarstein, landsapotekari
- Tummas í Garði, varastjóri við læknafakligari bakgrund
- Lena Lambaa, smittuverjufrøðingur
- Djóni S. Joensen, kommunulækni, Heilsutrygd
- Irena Nolsø, fulltrúi, Heilsumálaráðið
- Katrin Gaard, fulltrúi, Heilsumálaráðið, samskipari
Koppsetingarætlanin
Koppingarætlanin varð handað landsstýrismanninum í heilsumálum 16. desember 2020.
Koppingarætlanin er eitt fakligt tilmæli, har støða er tikin til, hvussu tilboðið um koppseting fyri COVID-19 skal raðfestast, hvar koppsetingin skal fara fram, umframt praktisk og skipanarlig viðurskifti í sambandi við koppsetingina.
Koppsetingarætlanin kann lesast her.
