Heilsumálaráðið > Faroese Edition > Arbeiðsøkir > Heilsa og fyribyrging > Rúsmisnýtsla

Rúsdrekka- og rúsevnismisnýtsla

Heilsumálaráðið veitir stuðul til trý viðgerðarstøð í Føroyum. Hesi eru viðgerðastovnarnir Heilbrigdi, Frælsi og Blákrossheimið.

Í Fólkaheilsuætlanini frá 2006 vóru orðaði nøkur ítøkilig heilsupolitisk tiltøk, sum skulu virka fyri at fyribyrgja rúsdrekka- og rúsevnismisnýtslu í Føroyum. Tiltøkini vóru hesi:

Vitan um rúsdrekka- og rúsevnisvanar skal fáast til vega
Upplýsing um heilsuvandar við rúsdrekka- og rúsevnismisnýtslu
Rúsdrekka- og rúsevnispolitikkur skal orðast á øllum arbeiðsplássum
Talið av rúsdrekka- og rúsevnisfríum umhvørvum skal økjast
Viðgerð fyri rúsdrekka- og rúsevnismisnýtslu
Fyribyrgjandi átøkini móti rúsdrekka. og rúsevnismisnýtslu skulu styrkjast. Hetta er serliga galdandi fyri tiltøk, sum eru ætlað børnum og ungum
Eftirlitið við innflutningi av ólógligum rúsevnum skal gearst munadyggari og virknari

Nýggjur Rúsdrekka- og rúsevnispolitikkur Føroya

Heilsumálaráðið er farið undir at orða ein nýggjan Rúsdrekka- og rúsevnispolitikk fyri Føroyar. Yvirskipaðu málini við ætlanini er m.a., at

tálma nýtsluni av rúsdrekka,
at útseta byrjanaraldurin, tá ung byrja at drekka,
at Føroyar verða rúsevnisfríar
menna og víðka viðgerðartilboðini til misnýtarar og avvarðandi og
at minka um medisinsku og sosialu skaðaárinini av misnýtslu.