02.07.2020 · Heilsumálaráðið

14.800 kanningar og eingin nýggjur tilburður

14.800 kanningar og eingin nýggjur tilburður

Í løtuni er eingin føroyingur staðfestur smittaður við coronasmittuni. Hetta byggir á í alt 14.800 kanningar.

Tað upplýsir Landslæknin, nú seinastu kanningarúrslitini eru tøk.

Í alt hava 187 føroyingar fingið staðfest coronasmittuna, og allir 187 eru staðfestir frískir. 

Eingin nýggjur smittutilburður er staðfestur í Føroyum síðani 22. apríl. Sostatt hevur eingin fingið staðfest smittu í teimum seinastu 8.403 kanningunum.

Eingin persónur er í løtuni innlagdur á Sjúkrahúsverki Føroya í sambandi við coronasmittuna.

Broytt mannagongd

Í morgin verður mannagongdin viðvíkjandi kunning av kanningarúrslitum broytt. Nú verða kanningarúrslitini frá landslæknanum kunngjørd á serstakari síðu her á heimasíðuni hjá Heilsumálaráðnum. Trýst her

Samstundis verður hildið uppat við at senda daglig tíðindaskriv. 

Kanningarúrslit verða framvegis kunngjørd skjótast gjørligt, sum hesi eru tøk.

Heilsumálaráðið 2. juli 2020 kl. 14:43