24.04.2019 · Heilsumálaráðið

16 hava søkt sjúkrahússtjórastørv

16 hava søkt sjúkrahússtjórastørv

Stórur áhugi er fyri at gerast stjóri í sjúkrahúsverkinum. Tá freistin at søkja tey trý størvini sum stjórar í Sjúkrahúsverki Føroya fór á midnátt vóru íalt 16 umsóknir komnar.

Talan er um umsóknir frá bæði mannfólkum og konufólkum og summir av umsøkjarunum hava søkt fleiri av størvunum. Samanumtikið hava umsøkjarar víst áhuga fyri størvunum soleiðis:

Sjúkrahússtjóri á Landssjúkrahúsinum, sum eisini verður forstjóri fyri Sjúkrahúsverk Føroya: 8 umsóknir

Sjúkrahússtjóri á Klaksvíkar Sjúkrahúsi: 8 umsóknir

Sjúkrahússtjóri á Suðuroyar Sjúkrahúsi: 5 umsóknir