Fríggjadagin í farnu viku skipaði Eldraráðið í Tórshavnar kommunu fyri eldradegi. Margit Stórá, landsstýriskvinna í heilsumálum, var boðin at halda eina røðu á degnum.
Í røðuni kom landsstýriskvinnan millum annað inn á hugtakið “at gerast eldri við góðari heilsu” umframt eitt av hjartamálunum hjá landsstýriskvinnuni, sum er at gera raðfestingar á fyribyrgingarøkinum, ikki bara fyri tey, sum eru eldri, men á heilsuøkinum sum heild.
Í røðuni segði landsstýriskvinnan millum annað soleiðis: "Vit kunnu gleðast um, at tað gerast alsamt fleiri eldri fólk her á landi. Alsamt fleiri, sum kunnu njóta lívsins heyst.
Tað hevur sjálvandi eisini við sær, at vit politikarar mugu hugsa hetta inn í tær raðfestingar, sum verða gjørdar nú og tey komandi árini – at taka hædd fyri hesa góðu søguna um vøksturin av tí gráa gullinum."
Øll røðan kann lesast her.