Nú verður søkt eftir fakligum skrivara við viðkomandi útbúgving frá hægri lærustovni til Etiska ráðið. Talan er um eitt hálvtíðarstarv at byrja 1. mai 2018.
- Etiska ráðið skal fremja og styrkja kjak og vitan um etiskar spurningar, ið knýta seg til heilsufakligt virksemi á heilsuøkinum, almannaøkinum og kommunala økinum. Tín uppgáva í hesum sambandi verður at savna inn tilfar og greina tilfarið fyri ráðið.
- Etiska ráðið skal skipa fyri ráðstevnum, evnisdøgum og kjakfundum fyri at varpa ljós á aktuellar etiskar spurningar. Tín uppgáva verður at skipa fyri teimum kunningarátøkum og tiltøkum, sum Etiska ráðið ynskir at seta á skrá.
- Ráðið skal lata úr hondum minst eina frágreiðing um árið. Tín uppgáva verður at skriva frágreiðingarnar í samstarvi við Etiska ráðið.
- Tín uppgáva verður eisini at hava dagligu umsitingina hjá Etiska ráðnum um hendi.
Umsóknir, saman við avriti av prógvum og møguligum viðmælum, skulu vera Heilsu- og innlendismálaráðnum í hendi í seinasta lagi 31. mars 2018, kl. 12:00.
Sí lýsingina her