15.05.2020 · Heilsumálaráðið

Framvegis eingin nýggjur coronatilburður

Framvegis eingin nýggjur coronatilburður

Í løtuni er eingin føroyingur staðfestur smittaður við coronasmittuni. Hetta byggir á í alt 8.779 kanningar. 

Tað upplýsir Landslæknin, nú seinastu kanningarúrslitini eru tøk.

Í alt hava 187 føroyingar fingið staðfest coronasmittuna, og allir 187 eru staðfestir frískir. 

Í gjár vórðu 69 kanningar gjørdar. Leggjast kann afturat, at eingin hevur fingið staðfest smittu í teimum seinastu 2.509 kanningunum.

Eingin persónur er í løtuni innlagdur á Sjúkrahúsverki Føroya í sambandi við coronasmittuna.

Heilsumálaráðið 15. mai 2020 kl. 15.28