31.05.2020 · Heilsumálaráðið

Framvegis ongin smittutilburður

Framvegis ongin smittutilburður

Í løtuni er ongin føroyingur staðfestur smittaður við coronasmittuni. Hetta byggir á í alt 9.677 kanningar. 

Tað upplýsir Landslæknin, nú seinastu kanningarúrslitini eru tøk.

Í alt hava 187 føroyingar fingið staðfest coronasmittuna, og allir 187 eru staðfestir frískir. 

41 kanningar vórðu gjørdar í gjár, og allar kanningarnar vóru negativar. Ongin nýggjur smittutilburður er staðfestur í Føroyum síðani 22. apríl. Sostatt hevur ongin fingið staðfest smittu í teimum seinastu 3.407 kanningunum.

Ongin persónur er í løtuni innlagdur á Sjúkrahúsverki Føroya í sambandi við coronasmittuna.

Í dag er hvítusunna, og ongar kanningar verða framdar í dag og í morgin. Næstu ferð, nýggj kanningarúrslit verða almannakunngjørd, verður tí mikudagin tann 3. juni.

Heilsumálaráðið 31. mai 2020 kl. 12:40