12.03.2019 · Heilsumálaráðið

Heilsumálaráðharrar í útnorðri fundast í Føroyum

Heilsumálaráðharrar í útnorðri fundast í Føroyum

Í dag og í morgin hevur Sirið Stenberg, landsstýriskvinna, vitjan av starvssystrum sínum úr Íslandi og Grønlandi. Hetta er aðru ferð, at árligi fundurin millum heilsumálaráðharrar í útnorðri verður hildin í Føroyum.

Tær tríggjar Martha Abelsen úr Grønlandi, Svandís Svavarsdóttir úr Íslandi og Sirið Stenberg skulu á fundinum millum annað viðgera møguleikan fyri størri samstarvi á heilivágsøkinum. Í hesum sambandi verður vitjað á Apoteksverkinum.

Eisini er spurningurin um at fáa fatur á og útbúgva fleiri heilsustarvsfólk á skrá. 

Útnorður toppfundurin, sum verður hildin í Norðurlandahúsinum, er hin sætti sínum slag. Grønland var vertur fyri fyrsta regluliga fundinum millum heilsumálaráðharrarnar í útnorðri í 2012.