Frá týsdegnum 24. mars 2020, kl. 8:00 verður læknavaktin 1870 broytt aftur, soleiðis at borgarar frameftir skulu ringja beinleiðis til kommunlækna í dagtíð gerandisdagar. Í kommunulæknaviðtalunum verður telefonin svarað fram til kl. 16:00.
Borgarar, sum ikki hava ein fastan kommunulækna at venda sær til, kunnu venda sær til annan kommunulækna.
Eftir kl. 16:00 gerandisdagar og í vikuskiftunum skulu borgarar venda sær til 1870.
Kommunulæknafelagið metir, at borgararnir fara at fáa eina betri tænastu, um teir kunnu ringja beinleiðis til kommunulæknan í dagtíð.