Á myndini frá vinstru: Ove Heinesen, Margit Stórá og Per Martin Gregersen.
Hósdagin í farnu var landsstýriskvinnan og vitjaði í kommunulæknaviðtalunum í Fuglafjarðar læknadømi. Fyrst var hon í Gøtudali, har onnur viðtalan í læknadøminum liggur. Í Gøtudali fekk landsstýriskvinnan høvi at síggja umstøðurnar og práta við starvsfólk í læknaviðtaluni. Har prátaði hon eisini við borgarstjóran Per Martin Gregersen og Ova Heinesen, ið er trivnaðar- og starvsfólkastjóri í Eysturkommunu.
Aftaná vitjanina í Gøtudali gekk leiðin til Fuglafjarðar. Landsstýriskvinnan prátaði fyrst við borgarstjóran Dávur Juul, Edvu Jacobsen, forkvinnu í sosialu nevnd í býráðnum, Jóanis Erik Køtlum, kommunustjóra og Jónhild Abrahamsen, sosialdeildarleiðara. Aftaná prátið varð landsstýriskvinnan víst runt í nýggju heilsumiðstøðini, ið Fuglafjarðar kommuna er farin undir at byggja.
Samgongan hevur sett sær sum mál, at avbjóðingarnar í kommunulæknaskipanini skulu loysast. Vitjanirnar í læknaviðtalunum í Fuglafjarðar læknadømi eru liður í hesum arbeiði.
Á myndini frá vinstru: Jóanis Erik Ktølum, Dávur Juul, Edva Jacobsen og Margit Stórá.