Starvi sum stjóri fyri Fólkaheilsustýrið verður lýst leyst av nýggjum til setan 1. desember 2022 ella eftir nærri avtalu.
Umsóknir skulu verða Heilsumálaráðnum í hendi í seinasta lagi hósdagin 7. oktober 2022.
Meira kunning fæst um starvið í starvslýsingini og stjóraprofilinum.
Fólkaheilsustýrið, sum verður sett á stovn á nýggjárinum, er ein sjálvstøðugur stovnur undir Heilsumálaráðnum, har yvirskipaðu heilsufakligu uppgávurnar í Føroyum verða skipaðar.
Fólkaheilsustýrið skal við hollum kunnleika til føroysk heilsuviðurskifti og samfelagsviðurskifti veita heilsufakliga ráðgeving og vegleiðing. Ein týðandi uppgáva verður at menna og styrkja fólkaheilsuarbeiðið og fyribyrging. Harumframt skal Fólkaheilsustýrið veita granskingargrundaða heilsufakliga ráðgeving og menna, viðgera og skipa hagtøl og skráir á heilsuøkinum.
Les meira um Fólkaheilsustýrið í “Ætlan fyri Fólkaheilsustýri í Føroyum 2022-2028”.