29.09.2020 · Heilsumálaráðið

Tríggir nýggir tilburðir

Tríggir nýggir tilburðir

Tríggir nýggir smittutilburðir vórðu staðfestir í gjár. Tað vísa nýggjastu tølini hjá Landslæknanum. 

Tey smittaðu eru avbyrgd, og Landslæknin er í gongd við smittusporingina.

Í gjár vórðu 1060 kanningar gjørdar, og allar kanningarnar eru liðugt greinaðar. Í alt eru 129.038 kanningar gjørdar.

Tilsamans hava nú 463 persónar fingið staðfest smittuna í Føroyum. Í alt eru 428 persónar staðfestir frískir aftur, og sostatt eru 35 persónar smittaðir í løtuni.

Eingin er innlagdur á Sjúkrahúsverki Føroya í samband við coronasmittuna.

Heilsumálaráðið tann 29. september 2020 kl. 12.29

 

Mynd: Bjarni Árting Rubeksen, KVF