Apotekari kann seta í starv heilsustarvsfólk at koppseta fyri apoteksverkið, og partur B og ávísar aðrar greinar verða strikaðar

Uppskot til Løgtingslóg um broyting í løgtingslóg um apoteksverkið og heilivág og løgtingslóg um ókeypis koppseting móti ávísum smittandi sjúkum

Kanningar úr øðrum londum vísa, at atkoma til tilboð um koppseting, hevur ávirkan á, hvussu nógv fólk velja at taka av tilboðnum um koppseting.

Í nógvum londum kring Føroyar er koppseting á apotekum ein natúrligur partur av heilsutænastunum.

Galdandi lóg letur í ov lítlan mun upp fyri nøktandi atkomu til koppsetingartilboð, og fyri at fólk í Føroyum kunnu lata seg koppseta, har sum tey ynskja.

Tí verður skotið upp at apotekarar fáa møguleika fyri at gera avtalu við ella seta í starv heilsustarvsfólk, ið kann koppseta, til tess at koppseta fyri apoteksverkið.

Harumframt verður skotið upp, at strika part B og ávísar greinir í part A, sum áseta reglur um heilivág. Uppskotið skal lesast í tí samanhangi, at reglurnar um heilivág verða ásettar í endurskoðaðum líki í uppskoti til løgtingslóg um heilivág.

Uppskot Til Løgtingslóg Um Broyting Í Løgtingslóg Um Apoteksverkið Og Heilivág Og 24 03400