Sálarfrøðingar fáa framyvir løggilding sum onnur heilsustarvsfólk

Uppskot til Ríkislógartilmæli um at seta í gildi fyri Føroyar Anordning om ikrafttræden for Færøerne af forskellige love om ændring af lov om autorisation af sundhedspersoner og om sundhedsfaglig virksomhed og forskellige andre love og om ophævelse af lov om psykologer m.v.

Uppskotið til lógarbroyting merkir, at sálarfrøðingar framyvir skulu søkja Styrelsen for Patientsikkerhed um løggilding, fyri at kunna nýta heitið sálarfrøðingur (psykolog) og fyri at arbeiða sum sálarfrøðingur. Føroyska heitið fyri “autoriseret psykolog” er: “løggildur sálarfrøðingur”.

Lógarbroytingin hevur stóran týdning fyri sálarfrøðingar í Føroyum, at sálarfrøðingar nú skulu søkja um løggilding frá Styrelsen for Patientsikkerhed, og framyvir fáa somu rættindi og skyldur sum onnur heilsustarvsfólk.

Framyvir verða løggildir sálarfrøðingar skrásettir í løggildingarskránna hjá Styrelsen for Patientsikkerhed.  Sálarfrøðingar verða harvið ein partur av heilsufakligu løggildingarskipanini, á jøvnum føti við onnur løggild heilsustarvsfólk í heilsuverkinum. Heilsufakliga løggildingin kemur í staðin fyri núverandi løggildingarskipan hjá sálarfrøðingum.

Lógarbroytingin hevur við sær, at psykologlógin verður sett úr gildi og at Psykolognævnet, ið higartil hevur veitt bæði donskum og føroyskum sálarfrøðingum løggilding, verður niðurlagt. 

Hoyringarskriv Til Hoyringspartar Ríkislógartilmæli Um At Seta Í Gildi Fyri Føroyar Broytingar Viðv. At Løggilda Sálarfrøðingar Anordning Om Sundhedsfaglig Autorisation Af Psykologer I Høring