Tilskotsstigin verður prístalsviðgjørdur

Uppskot til kunngerð um prístalsviðgerð av tilskoti til tilskotsheimilaðan heilivág

Sambært § 18, stk. 9 í løgtingslóg nr. 178 frá 22. desember 2009 um almenna heilsutrygd við seinni broytingum, skal heilivágsstigin prístalsviðgerast á hvørjum ári. Hetta verður gjørt í kunngerð.

Ein vøkstur á 1 % stig hevur verið í brúkaraprístalinum seinasta árið. Við brúkaraprístalinum sum grundarlag fyri prístalsviðgerðini merkir hetta, at markið fyri nær tilskot verður veitt á ymisku stigunum, hækkar við 1 % stigi.

Upphæddirnar, sum nevndar eru í § 18, stk. 3 og 5, hækkað við 5 kr. fyri hvørjar 500 kr. Upphæddirnar eru prístalsviðgjørdar sambært brúkaraprístalinum og fylgja harvið prísbroytingunum sum heild.

Kunngerð Um Prístalsviðgerð Av Heilivági 01.01.2026